متي ستدخل الكهرباء الي المنطقة؟ الكهرباء فى المنطقة اصلا ولكن المقصود بسؤالك خطابات الكهرباء (التصاريح)فهى متوقفة مؤقتا
فى اجابتى عليك امامى احدى طريقتين فاختار ما يناسبك لان الوقت متاخر جدا
1- الطريقة المختصرة ( القول الفصل)
بسم الله الرحمن الرحيم: ( يَسْـئَلُكَ النَّاسُ عَنِ السَّاعَةِ قُلْ إِنَّمَا عِلْمُهَا عِندَ اللَّهِ وَمَا يُدْرِيكَ لَعَلَّ السَّاعَةَ تَكُونُ قَرِيباً ) . الأحزاب /63 .
2- الطريقة المطولة ( المفسرة)
تم مناقشة قانون البناء الموحد فى مجلس الشورى وتم عرضه على مجلس الشعب ومن ثم تم اقراره بعد التعديلات التشريعية المطلوبة ويحتوى القانون على113 مادة هذا القانون يحتاج لبيئة معينة لتفعيله ويضع شروط معينة للبناء ويتطلب حصر الارضى وتحديد كردونات المدن وحصر المناطق العشوائية ودا شغل يحتاج لوقت ولكن
الوقت هو الشئ الوحيد الذى لا نملكه
بمعنى ان القانون تحصيل حاصل ليس اكثر من مجرد قانون البناء القديم بعد تجميله + باب لمزيد من الاموال وتيسيرات تفتح مجالات ومجالات للعشوائية اللتى يدعون انه جاء لمكافحتها ولكنه والحق يقال به بعض البنود الهامة جدا والخاصة بمساحات الاراضى الصالحة للبناء وكذالك المناور وممرات التوزيع واشتراطات البناء الفنية ويبقى السؤال الصعب وهو كيف سيطبق؟ نحن كمصرين ناجحين جدا فى وضع القوانين فاشلين جدا فى تطبيقها وقس على ذالك كل مناحى الحياه
ومن ثم نرجع لاصل الموضوع الكهرباء داخلة داخلة وللعلم هى متوقفة فى مصر وليس حدائق الاهرام( ماهو احنا مش جزء من اروبا) ولكن واه من لكن دى امتى؟ الله اعلم
ثم انى عندى استنتاج بسيط اوى
كشركة مقاولا ت نحصل على ترخيص الكهرباء والعدادات للعمارة بالكامل وفى كل مرة كان بيحصل نفس الشئ
ترخيص الكهرباء بى 25000 ثم اوقفوا الحصول على تراخيص
ثم فتحوا ترخيص الكهرباء بى50000 ثم اوقفوا الحصول على تراخيص
ثم فتحوا ترخيص الكهرباء بى70000 ثم اوقفوا الحصول على تراخيص
ودا كان السنة اللى فاتت واحنا كشركة بنسال سؤال هما المرة دى لما يفتحوا كتكون بكام ؟؟؟؟
مثلها كمثل شركة المياه وكمثل نادى حدائق الاهرام نفسه كان بثلاث الاف ثم اغلقوا وفتحوا بخمسة ثم اغلقوا وفتحوا بسبعة ثم اغلقوا ثم ؟؟؟؟؟؟؟؟؟؟؟؟؟
اسيبكم تتوقعوا لما يفتحوا باب العضوية لاعضاء جدد بعد لما الفلوس اللى لموها خلصت فى تطوير النادى هيفتحوا باب العضوية بكام
للاسف هى دى بلدنا ولكن الامل موجود
اتمنى ان اكون وفقت فى الاجابة على استفسارك متمنيا لك ولجميع الاعضاء دوام التوفيق
الموضوع منقول عن
محاسب : / محمد أحمد
الثلاثاء سبتمبر 18, 2012 4:51 pm من طرف المنارة
موضوع: الكهرباء بحدائق الاهرام بين الترخيص ومنع الترخيص 